香港早期嘅醫療系統因為種種原因並未有完善嘅發展，早期比較有規模嘅就只有東華醫院。而嚟到20世紀，港府就致力改善香港公營醫療服務，開始逐步興建公立醫院，瑪麗醫院就係其中一間。

位於香港島南區西高山嘅瑪麗醫院，建於1937年4月13日，係香港兩間教育醫院之一，同時都係當時遠東地區規模最大醫院之一。瑪麗醫院嘅出現，當時係為咗用嚟取代用咗半世紀嘅西營盤公立醫院，雖然話就話政府興建，但1933年開始興建，去到中間就因為資金不足而延期到1937年先起好。

呢座建築以H型就設計，分成6個翼，起好嘅同年就已經成為港大醫科生嘅臨床實習地。喺日佔時期，瑪麗醫院就曾經被日軍佔領同埋改做軍用醫院，直到1945年10月1日先恢復原本用途。

去到1955年開始醫院亦都展開擴建，喺之後幾十年間分別落成大學病理大樓、臨床病理大樓落成，其中新起嘅K座更加係當時全球第二高醫院建築物。由於醫院入面唔少設施都用咗好長時間，近年就提出過重建計劃，一共分成4期共10年進行。

原圖嚟自網絡